"Тылсымлы китап иле"

27 май Бөтенроссия китапханәчеләр көне уңаеннан, китапханәдә “Тылсымлы китап иле” исемендә тематик сәгать үткәрелде. Кичәгә 1 һәм 3 сыйныф укучылары чакырылды.Укучыларга, китапханәчеләр һөнәре турында кыскача мәгълүмәт бирелде

Китаплар аң-белем, мәгърифәт үсешенә илтүче төп чыганак. Шуңа күрә, аны халыкка җиткерүдә китапханәчеләрнең роле әйтеп бетергесез зур.

Чара барышында укучыларны, китапханәчеләрнең – кешенең уйларын чагылдыра торган сирәк могҗизаларның берсе булган – китап белән турыдан-туры эшләүче, аны үз укучысына җиткерүче, тормышны, дөньяны танып белергә өйрәтүче белем  йортының хуҗасы  булуы турында әйтелде .

3 сыныф укучылары “Кадерлә син китапны”, (Х.Шабанов), “Якын дус” (Тәрҗеманов Җ), “Безнең китапханә” (З.Туфайлова) шигырьләрен сәнгатьле итеп сөйләделәр. Китапханәләр турында мәкальләр , табышмакларга җаваплар эзләдек,  канатлы сүзләр әйтелде.

Кичә ахрында, балалар үзләренең яратып йөри торган китапханәдә  “Китапханәче” булып та күрсәттеләр.