"Ислам әхлагы һәм гадәтләре" - тематик сәгать
21 май көнне, китапханәдә Идел буе Болгар дәүләтендә Ислам дине кабул итүгә -1100 ел тулу уңаеннан «Ислам әхлагы һәм гадәтләре» исемендә тематик сәгать үткәрелде.
Авылыбызның хөрмәтле дин әһеле Сания ханым Хайрутдинова , Рамазан аеның мөселманнар өчен мөһимлеген, тыелган гамәлләр турында, уразаның сәламәтлеккә файдасын аңлатты. Сәлимә ханым Валиева "Ислам һәм хатын- кыз әхлагы" темасына чыгыш ясады. Шулай ук “ Изге болгар” фотоальбомы белән таныштылар. Болгар шәһәренә сәяхәт итүчеләр аннан алган тәэсирләре белән уртаклаштылар.