Халыкара китап бүләк итү көне

   Халыкара китап бүләк итү көненә карата мәктәп укучылары белән "Геройны танып бел!" дип аталган мавыктыргыч өстәл уены оештырдык. Һәр катнашучы әдәби персонаж исеме белән карточка ала һәм анда кем күрсәтелгәнен белми. Үз геройларының кем, нәрсә икәнен белү өчен башка уенчыларга сорау бирергә тиеш. Уен мавыктыргыч кына түгел, ә файдалы да булып чыкты. Укучылар бик күп әдәби әсәрләрне һәм аларның персонажларын искә төшерделәр, төгәл һәм эчтәлекле сорауларны формалаштырырга өйрәнделәр. Халыкара китап бүләк итү көне уку традицияләрен сакларга һәм кешеләрдә китапларга мәхәббәт тәрбияләргә ярдәм итә.