Спортчыларыбыз белән без горурланабыз.

Бүген Сармашбаш авылында Айзат Кашапов истәлегенә районкүләм көрәш ярышлары узды. Сармашбашта спорт яратучы кешеләр яши. Авылыбыз бик күп еллар районда спорт ярышларында алдынгылар рәтендә барды. Көрәшчеләребез белән аеруча горурлана алабыз. Бертуган Мингазовлар, Салаховлар, Кашаповларыбыз Республика, Дөньякүләм ярышлар җиңүчеләре, спорт мастерларыбыз. Алар белән без горурланабыз.