"Җыр булырлык сүзләр биргән, Туган телем, рәхмәт сиңа!"

"Җыр булырлык сүзләр биргән,
Туган телем, рәхмәт сиңа!" - дип аталган
Халыкара туган тел көне уңаеннан әдәби кичә узды.
"Әй син, телем, туган телем, тамыр телем. Җир астыннан тарих серен табар телем...
Әй син, телем, айлы төнем, якты көнем. Әремнәрдән әче, балдан татлы телем. Сине саклап калыр өчен, күпме белем кирәклеген аңладым мин, белдем бүген..." (Л. Шагыйрьҗан)Туган теле барның - милли юлы бар, милли йөзе бар, шәхес буларак үзе бар, кеше буларак абруе, кадере - бәясе, хөрмәте бар.
Газиз туган телебез - татар телен кадерлик, яклыйк, саклыйк.