Очрашу "Кояш кызы,җир кызы ул"

Якташыбыз шагыйрь М Әгъләмов “Безнең авыл” дигән шигырендә

...Безнең авыл Ватанга

Биргән әллә кемнәрне:

Һәммәсе дә танылган,

Һәммәсе дә һөнәрле

 Алар безнең авылда

Мәктәп юлын таптаган,

Аяк белән мин бүген

Аяк терәп мактанам, -дип язган.                                                                                                                                                   Безнең Югары Налим авылында да, фидакәрь хезмәтләре өчен мактаулы исемнәргә лаек булган, үз эшләрендә югары үрләр яулаган, сокланырлык һәм горурланырлык шәхесләребез шактый күп. Без авылыбызның үткәнен, аның күренекле һәм талантлы кешеләрен белергә, өйрәнергә бурычлы, чөнки туган авылны ярату, ватанпәрварлык хисләре тәрбияләү нәкъ шуннан башлана.                                                                                                                                                             Агымдагы ел Зәй районында – Туган як елы дип игълан ителде. Шул кысаларда китапханәгә мәктәп укучылары белән очрашуга авылыбызның шагыйрәсе Миләүшә Хәйруллинаны чакырдык.                                                                            “Зәй офыклары” газетасы битләрендә  Миләүшә Нәгыймовна мәкаләләре аша  дистәләгән тырыш һәм талантлы авылдашыбыз турында укып бардык, ә аның күп шигырьләр авторы булуын күпләр белми әле...                                                 Очрашуда балалар Миләүшә апаларын яңа яктан ачтылар: үзе һәм иҗаты белән таныштылар, шигырьләрен тыңладылар. Үзләрен кызыксындырган сорауларга җавап та алдылар.