Китапханәдә 8–нче март бәйрәме

6-нчы  март көнне ,Татар Томбарлы авыл китапханәсе үзенең яраткан китап укучыларын 8-нче март бәйрәме белән котлап, "Ягез әле, хатын-кызлар" бәйгесе үткәрде.

"Ромашка" һәм "Кояш" исеме астында 2 команда үзара ярыштылар, үзләренең зирәклекләрен төрле яктан сынадылар."Таныш булыйк, мин..", "Тәлникәдә нәрсә", "Музыйкаль каймак", "Әдәби викторина" кебек уеннарда катнашып, 2 балл аерма белән, " Ромашка" командасы җиңүче булды. Чарада катнашучыларга истәлекле бүләкләр тапшырылды. Бәйрәм бергәләп чәй эчү һәм истәлеккә фотога төшү белән тәмамланды.