"Әбиләр сабан туе" Бәйрәм
17- июнь көнне, Татар Томбарлы авылында үзенчәлекле бәйрәм- Әбиләр сабан туе үткәрелде.Чара җыр-бию, уен-көлке, төрле кызыклы ярышлар белән үрелеп барды..Читтән кайткан авылдашлар, килгән кунаклар, әби-бабайлар матур итеп ял иттеләр, уеннарда катнаштылар, рәхәтләнеп яшел чирәмдә биеделәр.
2023 ел – Республикада Милли мәдәниятләр һәм гореф-гадәтләр елы. Шуны истә тотып, китапханәче Әхмәтҗанова Эльвира килгән кунаклар өчен табигать почмагында миний музей ясады. Бизәкләп ясалган сандык, агачка эленгән бишек, кое һәм башка борынгы җиһазлар бәйрәмгә үзе бер ямь өстәп торды.Истәлеккә фотога төшәргә теләүчеләр өчен бу почмак фотозона ролен башкарды.Бәйрәм бик матур, күңелле үтте.