21 нче сентябрь  көнне, Татар Томбарлы авыл мәктәбенең беренче сыйныф укучыларына мәдәни көндәлекләр тапшырылды.Чарада укучыларның ата-аналары да катнашты. Китапханәче Әхмәтҗанова Эльвира аларга көндәлекнең нинди әһәмияткә ия һәм ни өчен кирәклеген аңлатып үтте, бергәләп бу проекта катнашырга чакырды. Мәдәни көндәлек  балаларны һәм аларның әти-әниләрен мәдәният учакларына барырга кызыксындыру һәм рухи яктан баету максатын күздә тота - диде ул.

Китапханәче укучыларга Татарстанның тарихы һәм мәдәнияте белән мавыктыргыч формада танышу цчен  “Җиде энҗе бөртеге”дип исемләнгән китапны бүләк итте.