"Җир-су хайваннары" танып-белү сәгате
18 апрель көнне, Татар Томбарлы авыл китапханәчесе "Миләүшә" балалар бакчасында тәрбияләнүчеләре өчен " Җир-су хайваннары" дип исемләнгән танып-белү сәгате үткәрде. Балалар сулыкларда яшәүче балыклар, бакалар, ташбакалар белән таныштылар, аларның төрләре, нәрсә белән тукланулары турында мәгълүмат алдылар. Көтелмәгән кунаклар-тере ташбакалар балаларда зур кызыксыну уятты, алар ташбакаларны якыннан күзәттеләр, ашарга бирделәр, суда йөзгәннәрен, идәндә йөргәннәрен дә күрделәр.
Чара ахырында балалар үзләренең кичерешләрен яктыртып, матур рәсемнәр ясадылар.