Татарстан –туган төбәгем!
2023 ел Татарстанда -Милли мәдәниятләр һәм гореф-гадәтләр елы унаеннан, 11-нче август көнне Татар Кандызы авыл китапханәсе «Татарстан –туган төбәгем!» дип исемләнгән туган якны өйрәнү сәгате үткәрде.
Һәрберебезнең дә туган җире, туган районы, туган авылы бар, һәр авылның үзенең гүзәл табигате, урман-күлләре, тырыш уңган хезмәт сөюче халкы бар. Китапханәче туган якның тарихы, табигате, республика символлары турында, күпмилләтле республиканың үзенчәлекләре турында мәглүмәт бирде, туган телебезнең бөеклеген, күп гасырлык тарихы барлыгын, ә матурлыгы аның халык җырларында, әдипләребезнең иҗатларында чагылуы турында сөйләде.