«Фольклор иленә сәяхәт»

Россия халыкларының халык сәнгате һәм мәдәни мирасы елы уңаеннан, 15-нче март көнне, Татар Кандызы авыл китапханәсендә,  «Фольклор иленә сәяхәт» дип исемләнгән кичә үткәрелде. Әлеге чара 12 томлы “Татар халык ижаты” һәм “Энҗе чәчтем – энҗе җыям”  дип исемләнгән китап күргәзмәсеннән һәм   берничә тукталыштан торды.

1 нче тукталыш: Нәрсә ул   фольклор, кем аларны җыя, туплый?

2 нче тукталыш:  Мәкальләр, әйтемнәр,  табышмаклар.

3нче тукталыш: Мифлар , риваятлар,  легендалар.

4нче тукталыш : Ырымнар,  йолалар, әкиятләр.  

Туган телгә мәхәббәт, ихтирам китап әсәрләре, җыр-бию, уеннар, гореф-гадәтләр аша тәрбияләнә. Бу чарада да балалар татарча шигырьләр сөйләделәр, табышмаклар чиштеләр, татар халык уеннарын уйнадылар. Балаларга бигрәк тә "Йөзек салыш" һәм "Түбәтәй" уеннары ошады.