“Туган телем-иркә гөлем ”

21 февраль көнне, Шалты авыл китапханәсендә, мәдәният Йорты белән берлектә, балалар  өчен Халыкара туган тел көненә багышланган  “Туган телем-иркә гөлем ”дип исемләнгән уен- викторина  уздырылды. Уен барышында  балалар  кыска вакытта мәкальләр җыйдылар,  туган тел турында шигырьләр укыдылар. Балалар  үзләренең көчләрен халык авыз иҗатында да сынап карадылар . Китап күргәзмәсе эшләп куелды һәм  күзәтү ясалды. Иҗат белән сугарылган мавыктыргыч бу чарадан һәркем канәгать калды.