“Бөек Җиңү юллары буйлап” «Библиотөн-2025»

26-нче апрель көнне, Исергәп авыл китапханәсе, Мәдәният йорты, мәктәп белән берлектә, Ватанны саклаучылар елына, Бөек Җиңүнең 80 еллыгына багышлап үткәрелгән “Бөек Җиңү юллары буйлап” исеме астында «Библиотөн-2025» Бөтенроссия акциясенә кушылдылар.

Чара барышында катнашучылар Бөек Ватан сугышына багышланган китаплар белән таныштылар, яттан шигырьләр сөйләделәр,”Өчпочмаклы хатлар” мастер- классында хатлар ясарга өйрәнделәр. Кече яшьтәге мәктәп укучылары “Җиңү стартлары” хәрәкәтле уен-конкурста көчләрен сынадылар. Урта яшьтәге мәктәп укучылары тарих буенча квест- уенда катнаштылар. Югары сыйныф укучылары сугыш турында кинофильм карадылар. Бу истәлекле көнне тарихта калдырыр өчен фотозона эшләде.