«Интернет белән бергә, дус булыйк без гомергә»

8-нче февраль көнне, Исергәп авыл китапханәсе, авыл Мәдәният йорты белән берлектә, кече яшьтәге мәктәп балалары өчен, «Интернет белән бергә, дус булыйк без гомергә» дип исемләнгән Куркынычсыз интернет көненә багышланган танып белү сәгате үткәрделәр.

Балалар интернет челтәренең файдалы гына түгел, зарарлы яклары бар икәнен дә белделәр. Интернеттан файдалану кагыйдәләрен өйрәнделәр. Әкият китапларының нинди куркынычсызлык кагыйдәсенә туры килүен атап, кагыйдәләрне яхшы үзләштергәннәрен белгерделәр. Чара куркынычсыз интернет турында мультфильм карау белән төгәлләнде.