"Әфган уты өткән язмышлар”.

15 нче февраль көнне Исергәп авыл китапханәсе урта һәм югары сыйныф укучылары өчен, сугышчы – әфганчыларны искә алу көне уңаеннан,"Әфган уты өткән язмышлар” дип аталган мәгълумати танып белү сәгате үткәрде.

Катнашучылар сугыш башлану тарихын барладылар, Әфганстан сугышына бәйле саннар, җан өшеткеч фактлар турында ишетеп үттеләр. 8 авылдашыбыз - Әфган сугышында катнашучылар турында мәгълумат алдылар. Еллар үтү белән күп вакыйгалар хәтердән җуела. Әмма без тарихтагы бу кайгылы көннәрне онытырга тиеш түгелбез.