“Әни –җирдә иң бәхетле кеше”-

    Салкын  кышларга  кергәндә безне җылытучы бер бәйрәм бар-ул Әниләр бәйрәме.  Шул уңайдан Бикүле авылы китапханәсендә 29 нчы ноябрь көнне “Әни –җирдә иң бәхетле кеше”-дип аталган очрашу кичәсе уздырдым. Кичәне Роберт Миңнуллиннын “Ак яулыклы әнием минем!..” дип аталган шигырен укудан башладым.  Синең кирәклегеңнең нәкъ вакытын белеп дөньга китергән, хәләл күкрәк сөтен имезеп, төн йокыларын калдырып үстергән һәм гомер буе саклап-яклап тора торган изге зат ул- Әни.

    Күргәзмәгә М.Маликова әниләр турында язган “Арыш тәме” һәм башка китаплар куелган иде. Шулай ук әниләр турында мәкальләр укыдык. Кичәбез файдалы һәм мавыктыргыч узды.