“Китапханәдә театр көне”
20 нче март көнне Югары Нурлат китапханәсендә “Китапханәдә театр көне” дип аталган аралашу сәгате уздырылды. 2019 нчы ел Рәссәйдә “Театр елы” буларак игьлан ителгәнгә, укучыларны “Театр яктылыкка-нурга илтә сәхифәсе белән таныштырганнан соң, мәктәп укучыларына “Китапханәдә театр көне” өчен махсус әзерләнгән күргәзмә күрсәтелде . Аннары балаларның үзләре катнашында Татар халкының бөек шагыйре Габдулла Тукайның “Бала белән күбәләк” әсәре сәхнәләштерелеп, бала белән күбәләк ролен үтәгән балалар аны бик оста итеп уйнап та күрсәттеләр.