«Безнең төбәк талантларга бай»
«Безнең төбәк талантларга бай»
Якты Күл авылы китапханәсендә төбәгебезнең иҗат эшләре күргәзмәсе оештырылды. Биредә авыл халкы һәм кунакларының эшләре тәкъдим ителә. Бу - техникалардан тулы бер калейдоскоп: амигуруми (уенчыкларны крючок белән бәйләү), чигү, фоамираннан чәчәк композицияләре - барысын да санап бетерерлек түгел. Шулай ук күргәзмәдә төрле техникалар һәм иҗат төрләре турында китаплар белән таныша аласыз. Һәркем җирле халыкның могҗизалы эшләре белән таныша яки илһамлана алачак.