“Кояш нигезендә Ак Барс “

Кояш нигезендә Ак Барс

6 февраль көнне Якты Күл авылы китапханәсендә Татарстан гербы көненә багышланган “Кояш нигезендә Ак Барс “ дип исемләнгән танып-белү сәгате үткәрелде. Китапханәче балаларга Татарстан Республикасы гербының тарихы, аның гасырлар дәвамында барлыкка килүе, Дәүләт символының заманча төре 1992 нче елның 7 нче февралендә Татарстан Республикасы Югары Советы карары белән раслануы турында сөйләде. Яшь китап укучылар гербның рәсемнәре һәм төсләре үз символик мәгънәгә ия булуын һәм республикабыз халкы өчен билгеле бер өндәү булуын белделәр. Чара ахырында балаларга Татарстан гербының рәсемен ясарга тәкъдим ителде.