"Мең төсләрдән балкый көз", әдәби - музыкаль кичә

Чупай авылында МХО дагы сугышчыларыга ярдәм оештыру төркеме бар. Анда 30 га якын волонтер йөри. Саклагыч челтәрләр үрү, кул токмачы басу, окоп шәмнәре ясау белән шөгыльләнә алар. Менә шул төркемгә йөрүче апа-әбиләргә "Мең төсләрдән балкый көз" исемле әдәби-музыкаль кичә оештырылды. Алар үзләре пешергән көзге уңыштан төрле камыр ризыклары пешереп алып килделәр. Кичә җыр-бию-шигырьләр уку белән үрелеп барды. Соңыннан тәмле ризыклар белән чәй эчтеләр.