Начар гадәтләр урына спортны сайлыйм

«Иң мөһиме - сәламәтлек» - кешеләр бу сүзләрне еш ишетәләр. Сәламәт яшәү рәвеше аны сакларга һәм ныгытырга ярдәм итә. Шуңа да карамастан, зарарлы гадәтләр көндәлек тормышның бер өлеше булып тора. Даими рәвештә спорт белән шөгыльләнүче кешеләр үз карьераларында уңышлырак, авыруларга, стрессларга һәм депрессияләргә азрак бирешә, озаграк яши һәм кешеләр тарафыннан бәхетлерәк итеп кабул ителә. Уртача физик йөкләнеш тәнне чыныктыра һәм сәламәтлекне сакларга ярдәм итә. Бу темага Чыршы авыл китапханәсендә «Начар гадәтләр урына спортны сайлыйм» дигән әңгәмә уздырылды. Актив, сәламәт яшәү рәвеше алып баручы укучылар сәламәтлекне саклау буенча кыйммәтле киңәшләре белән уртаклашты һәм физик күнегүләр күрсәтте.