«Мозговой штурм» интеллектуаль уены

5 февраль көнне, яшьләр өчен «Пушкин картасы» мәдәни программасы кысаларында Чыршы авыл китапханәсендә укучылар өчен «Мозговой штурм» интеллектуаль уены үткәрелде. Интеллектуаль уен сорауларны һәм җавапларны күздә тоткан. Мондый уеннар уйнау күңелле - бу бит ярыш, ә ярыш азарт, гаять зур шатлык һәм башка бик күп якты хис - кичерешләрне күздә тота. «Мозговой штурм» интеллектуаль уенда ике команда актив катнашты. Уенчылар, белемнең төрле тармакларыннан сорауларга җавап биреп, 4 тур үттеләр. Уенда катнашучыларга логик фикерләү, чикләнгән вакытта карарлар кабул итү, шулай ук командада эшләү сәләте күрсәтергә кирәк иде. Бу уен хәтта иң пассив катнашучыларны да мавыктырды. Һәр уенчы үзенең интеллектын һәм тапкырлыгын күрсәтә алды. Уен күңелле үтте, уенчылар уңай хис - кичерешләр алды, үзләре өчен бик күп кызыклы нәрсәләр белделәр. Барлык балаларга да зур рәхмәт!