«Зыялы язучы»

5 августта иҗатын журналистикадан башлаган язучы Мәдинә Маликовага 90 яшь тула. Мәдинә Маликова-татар телендә романнар язган беренче хатын кыз язучы. Киң танылу китергән дистәләгән повесть һәм хикәя авторы. Язучының юбилеена, 4 августта, Айбаш авыл китапханәсе китап күргәзмәсе оештырылды. Күргәзмәдә «Фидая», «Шәфкать», «Кызыл чәчәк», «Арыш тәме» романнары тәкъдим ителде. Китапханәче авторның китапларына кыскача күзәтү ясады, язучының биографиясе белән таныштырды.