«СПИД турында син нәрсә беләсең»

  

Халыкара СПИДка каршы көрәш көненә һәм яшүсмерләр өчен профилактик чаралар кысаларында Айбаш авыл китапханәсендә түгәрәк өстәл узды. Китапханәче катнашучыларга ВИЧның, СПИДның нәрсә икәнен, аларның кеше организмына ничек тәэсир итүен, вирусның кешедән кешегә нинди юллар белән күчүен сөйләде. Укучылар нәкъ менә яшьләрнең иң йомшак  төркем булуын белделәр, шуңа күрә барысы да саклык күрсәтергә һәм шуның белән ВИЧ йоктыру куркынычын киметергә тиеш. Алга таба яшь укучыларга «СПИД  турында син нәрсә беләсең» викторинасы сорауларына җавап бирергә тәкъдим ителде. Ахырдан балаларга СПИД проблемасының мөһимлеген аңлауны гәүдәләндерүче кызыл тасмалар тапшырдык.