Табигатьтә кунакта

  

Халыкара Җир көне безне тагын бер тапкыр уйланырга мәҗбүр итә: һәр гамәлебез   табигатьне җимерә дә, аның моңарчы булган, беренчел матурлыгын саклый да ала! Айбаш авыл китапханәсе укучылары өчен авылыбызның табигатенә экскурсия үткәрелде. Экскурсия вакытында китапханәче балаларга табигатьне, һәр агачны, куакны, елгаларны һәм кырларны сакларга кирәклеге һәм планетабызның киләчәге безнең һәрберебезгә бәйле булуы турында сөйләде, катнашучыларга безнең уртак йортыбызны – Җир планетасын төрле пычранулардан саклау кирәклеге, урманнарны, сулыкларны, үсемлек һәм хайваннар дөньясын саклау турында искә төшерде.

Чара ахырында балалар үзләре табигать турында ничек кайгыртулары турында сөйләделәр.