"Үрнәк малай"
Сәйфуллин Илшат Гайнан улы 1971 елның 27 августында Татарстан Республикасының Биектау районы Ямаширмә авылында туа. 1988 елда Ямаширмә урта мәктәбен тәмамлап, Казан педагогия институтының татар филологиясе факультетына укырга керә. 2007 елда аның балалар өчен беренче китабы «Җиденче дәрес» дөнья күрә. Айбаш авыл китапханәсендә язучы - якташыбыз Илшат Сәйфуллин иҗатына күзәтү үткәрелде. Китапханәче язучының тормышы һәм иҗаты белән таныштырды, аның әсәрләреннән өзекләр укылды. Балалар игътибарына «Җиденче дәрес» китабы тәкъдим ителде.