«Пушкин әсәрләре буенча»

Әкиятләр дөньясы игелекле, күңелле һәм гыйбрәтле, алар озак еллар безнең дусларыбыз һәм киңәшчеләребез булып торалар. Әкият геройлары үз гамәлләре белән безгә яхшылыкны явызлыктан, хакыйкатьне ялганнан аерырга, намуслы, кыю, гадел булырга өйрәнергә ярдәм итә.

7 нче июнь көнне Айбаш авыл китапханәсендә «Пушкин әсәрләре буенча»  викторина узды. Чара башында балалар Александр Сергеевичның барлык әкиятләрен искә төшерергә тырыштылар.

Чара шагыйрьнең тормыш һәм иҗат юлы, Пушкин әкиятләренең аерым сюжетлары турында кереш әңгәмәдән башланды, ә күңелле викторина белемнәрне ныгытты. Балалар әкияттәге җөмләләрнең тәмамлануын искә төшерделәр, тәкъдим ителгән өзекләрне дәвам иттеләр, әкиятләрне иллюстрацияләрдән таныдылар, әкият кроссвордын чиштеләр.

Яшь укучылар викторинаның төрле бүлекләрендә сынаулар уздылар : «Тап! », «Кайсы әкияттән өзек», « Әкият героен ата», «Дәвам ит» һ.б.

Бигрәк тә балаларга «Могҗизалы капчык» уены ошады.Катнашучыларга төрле әкият җисемнәре тәкъдим ителде, ә алар бу җисем очраган әкиятнең исемен әйтергә тиеш иде.