«Газиз туган телем»

Айбаш авыл китапханәсендә Туган тел көненә багышланган  «Газиз туган телем» дип исемләнгән  әдәби кичә уздырылды. Чара барышында балалар дөньяда күпме тел барлыгын , тел - төрле кешеләр арасында аралашу өчен корал гына түгел, ә шулай ук ул һәр халыкның мәдәниятен, менталитетын, традицияләрен һәм тарихын йөртүче чара икәнлеген дә белделәр.

«Туган телем – минем горурлыгым» дигән китап күргәзмәсе куелды, әдәбиятка күзәтү үткәрелде.   Укучылар туган тел турында үзләренең яраткан шигырьләрен сөйләделәр. Чара  «Туган тел»  җырын башкару белән тәмамланды.