21 март халыкара урман көне
1971 елдан бирле һәр елны 21 мартта Халыкара урман көне билгеләп үтелә. Аны башкача Бөтендөнья урманнар саклау көне дип тә атыйлар. Бу көнгә Берләшкән Милләтләр оешмасының 23нче Генераль Ассамблеясында Европа Авыл Хуҗалыгы Конфедерациясе инициативасы белән нигез салына. 2012 елда БМО Генераль Ассамблеясы Халыкара урманнар көнен - International Day of Forests - раслау турында резолюция кабул итте, бу аларны саклауның мөһимлеге турында һәрвакыт хәтердә тоту зарурлыгы белән бәйле һәм урманнарның безнең тормышта нинди әһәмиятле роль уйнавы турында планета халкының исенә төшерергә тагын бер сәбәп тә булып тора. Уртача зурлыктагы бер агачның 24 сәгать дәвамында өч кешегә суларга җитәрлек кислород эшләп чыгаруы турында искә төшерү дә җитә. Ә сезнең урман һавасының гадәти түгеллеген сизгәнегез бармы? Бу, чынлап та, шулай. Урман агачлары эшләп чыгарган кислород югары ионлашкан, шуңа күрә ул үпкәләр өчен һәм кешенең тулаем сәламәтлеге өчен аеруча файдалы.

Язын урман кар эрегәндә барлыкка килә торган артык дымны үзенә сеңдерә, моннан башка язгы ташулар һәлакәтле булыр иде, шул ук вакытта урман бу дымны әкренләп елгаларга бирә бара, бу аларны күп сулы итә. Урманнан башка елгалар бик тиз кибә башлый. Һәм ниһаять, урманнан башка табигый экологик балансны саклау бөтенләй мөмкин түгел.
Урманнар һаваны дымландырып һәм суларга яраклы итеп кенә калмый, алар әле атмосфера тузанын да тоткарлый. 1 гектар ылыслы урман елына 40 тонна чамасы тузанны, яфраклы урман 100 тонна тузанны тоткарлый.

БЕЛӘСЕҢМЕ?
Агачлар гомер буе үсә.
80кг макулатура бер агачны киселүдән коткара.
Миллион агачтан якынча дүрт миллион тонна кәгазь чыга.
Дөньяда иң киң таралган яфраклы агач – каен.
Ылыслы агачларның якынча яртысы безнең илдә үсә.