"Интерактив уен «Где логика?»"

«Пушкин картасы» проекты кысаларында Суксу авылы китапханәсе «Где логика?» дип исемләнгән интерактив уен үткәрелде. Уен 8 раундтан торды, аларның һәрберсендә катнашучылар төрле катлаулылык дәрәҗәсендәге интеллектуаль биремнәрне үтәделәр: «гомуми табу» раундында төрле предметлар һәм күренешләр арасында логик бәйләнешләр табу осталыгын күрсәттеләр; «нәрсә җитми? » - тәкъдим ителгән фотографияләрдә җитешмәгән предмет табарга кирәк иде, «жанр классикасы» раундында рәсемнәрне бәйләп, мәкальләр, әйтемнәр чиштеләр. Төрле мәсьәләләрне чишкәндә дөрес фикер йөртә белү һәм дөрес нәтиҗәләр ясау кешегә гомер буе таләп ителә. Чара барышында укучылар югары активлык һәм кызыксыну күрсәттеләр, шулай ук үзләрен чын интеллектуаллар итеп күрсәттеләр.