"Тарих битләре буйлап сәяхәт: Бөек Ватан сугышы"

Ватанны саклаучылар елында Пушкин картасы федераль проекты кысаларында Суыксу авыл китапханәсендә Россия тарихының иң әһәмиятле чорында — Бөек Ватан сугышына багышланган интеллектуаль чара узды. Чарада катнашучыларга алты турдан торган команда уены тәкъдим ителде: «Бөек полководецлар», «Даталар һәм вакыйгалар», «Җиңү коралы», « Герой-шәһәрләр», « Сугыш җырлары» һәм «Сугыш турында әсәрләр». Уен барышында катнашучылар фронтлардагы хәлиткеч сугышларны һәм Җиңү коралын, Бөек хәрби җитәкчеләрнең кызыклы фактларын искә төшерделәр, шулай ук иң авыр вакытларда  да совет солдатларының рухын күтәргән әдәби һәм музыкаль әсәрләргә кагылдылар.  Чара өчен  Бөек Ватан сугышы турында китап күргәзмәсе әзерләнгән иде. Укучылар шул катлаулы чор турында күп яңалыклар белделәр, шулай ук ата-бабаларының батырлыкларын искә төшерделәр һәм шуның белән дөньяны фашизмнан коткарган кешеләргә хөрмәт күрсәттеләр.