“Әлдермештән Әлмәндәр”

Бөек татар драматургы Туфан Миңнуллинның тууына 90 ел тулу уңаеннан Наратлык авыл китапханәсендә төрле яшьтәге кулланучылар белән компьютердан “Әлдермештән Әлмәндәр” спектаклен карадык. Китап күргәзмәсе ясалды. Анда драматургның тормышын һәм иҗатын чагылдырган китаплар тәкъдим ителде. Драматург Т.Миңнуллинның иҗаты тематик һәм жанр төрлелеге белән аерылып тора. Ул төрле жанрларда язган – водевильдән (“Диләфрүзгә дүрт кияү”) фаҗигагә (“Вөҗданның вариантлары юк”) һәм фәлсәфи гыйбрәтле хикәягә (“Әлдермеш авылыннан Әлмәндәр”) кадәр. Кырык еллык иҗат эшчәнлеге дәверендә ул кырыктан артык пьеса, берничә повесть, бүгенге тормыш турында бик күп хикәя-бәетләр һәм иҗтимагый-публицистик мәкаләләр язган. Аларның барысын да авторның буыннарның өзлексезлеге, халыкның рухи яшәве, кешенең әхлакый сафлыгы һәм аның җәмгыять алдындагы җаваплылыгы турындагы фикерне раславы берләштерә.