Китапханә

6нчы көн📚

Илмира Гыймаеваның "Гомер тавы" китабыннан "Китапханә" шигыре.

Китапханә - бер могҗиза,

Бер мизгелдә гасыр уза.

Аксакал ул - барысын белә,

Тылсымчы да - барысын күрә.

Ул - хәзинә, ул - тәҗрибә,

Анда йөрәк яшьнәп тибә.

Диварыннан, киштәләрдән

Илаһилык җанга иңә.

Үзгә анда сулар һава,

Шифалы ул Китапханә!

Кыштыр - кыштыр китап җиле -

Һәр хәрефтән гыйлем тама.

Китапханә - сүнмәс учак,

Күпләр өчен җылы кочак.

Йөрәкләрнең кайнарлыгы -

Милләтемнең зур байлыгы.

Китапханә - тарих җиле,

Саклаучы ул телне, илне.

Китапханә - кеше итеп

Яшәтүче сине, мине!

74 бит.

#әдәбимарафон2026