“Елгалар – табигать хәзинәсе”

14 март көнне Ятмас Дусай башлангыч мәктәбендә “Мәрхәмәтлелек атнасы 2018”кысаларында “ халыкара елгалар көненә карата “Елгалар – табигать  хәзинәсе” исеме астында китапханә сәгате уздырдым. Кеше тормышы һәрвакыт табигать белән бәйле. Ул - кешенең сәламәтлек, туклану, гомумән, яшәеш чыганагы. Табигать дигәч, иң беренче чиратта, калын яшел урманнар, саф сулы чишмәләр, бай тарихлы елгалар, күлләр, иксез-чиксез җәелеп яткан далалар күз алдына килә.

Республикабыз Татарстан су чыганакларына бик бай. Аның үзәгендә ике зур елга - Идел һәм Чулман (Кама) бергә килеп кушыла. Әлеге зур елгалар борын заманнардан ук Ев­ропа һәм Азияне, көньяк белән төньякны тоташтыруда әһәмиятле юл хезмәтен үтәгән. Шул рәвешчә алар халкыбызга мәдәни һәм сәяси яктан югары дәрәҗә­дәге үсешкә ирешүгә ярдәм иткән.

Китап укучылар белән дәресебезне Илдар Юзеевның «Сезнең якта табигать тә башка....»шигырен укып тәмамладык.

Катнаштылар:1-4 сыйныф укучылары 8 бала.