"Табигатьне саклыйк!!!"
“Мәрхәмәтлелек атнасы” акциясе кысаларында, 30 сентябрь көнне китапханәдә “Табигатьне саклыйк !!!” дип исемләнгән экологик дәрес үткәрелде. Катнашты 4 сыйныф укучылары. Барлыгы 6 укучы.
Максат: Укучыларның экологик белемнәрен арттыру, әйләнә-тирәнең пычрану, зарарлану сәбәпләрен ачыклау, туган якка мәхәббәт, табигатькә сакчыл караш тәрбияләү.
Табигатьнең кеше тормышында зур әһәмияткә ия булуы турында балалар белән әңгәмә оештырылды. “Табигатьне саклау-изге бурычыбыз!” исеме астында презентация күрсәтелде. Укучылар экологик әдәбияте белән таныштылар. Табигатьне саклау, аның матурлыгы турында шигырьләр укылды. Укучылар “Табигать мизгелләре” исемле викторинада катнаштылар.