"Тукайны бергәләп укыйбыз"
8 гыйнвардан бөек татар шагыйре Габдулла Тукайның 140 еллыгы уңаеннан Татарстанда «Тукайны бергәләп укыйбыз» республикакүләм проекты башлана.
Татарстан Республикасы Мәдәният министрлыгы проекты кысаларында бөтен республикада китапханәләр базасында махсус әдәби клублар эшли башлый. Пәнҗешәмбе көннәрендә атналык очрашулар Тукайның шигъри мирасын укуга һәм өйрәнүгә багышлана. Катнашучылар Тукайның татар һәм рус телләрендәге әсәрләре дөньясы белән таныша алачак.