Тарихи сәгать: "Исемең билгесез, батырлыгың үлемсез".

    3декабрь – Билгесез солдат көне. Шул уңайдан Аксу авылы китапханәсендә ”Исемең билгесез, батырлыгың үлемсез” темасы астынды тарихи сәгать үткәрелде. Чарада урта төркем укучылары катнашты. Китапханәче Нургалиева Ф.Җ. бу көн турында тарихи мәгълүмат белән таныштырды.     Илебез тарихында иң дәһшәтле саналган Бөек Ватан сугышында миллионлаган кешенең гомере өзелде. Сугыш кырларында билгесез югалганнар саны да меңәрләгән. Фронтта һәлак булып, билгесез югалган дип исәпләнгән сугышчыларның туганнары, оныкларының аларның каберләренә барып рәхмәт һәм хөрмәт белдерә алмаулары бу көн барлыкка килүгә төп этәргеч булды. Җиңүнең 25 еллыгын билгеләп үткән елны, 1966 елның 3 декабрендә Билгесез солдат көле Мәскәү янындагы Ленинград шоссесының 41 нче чакрымындагы туганнар каберлегеннән Александр бакчасы территориясенә китерелә. 1967 елда биредә Мәңгелек ут кабызыла һәм "Билгесез солдат кабере" мемориаль комплексы ачыла. Россия Дәүләт Советы депутатлары тәкъдиме белән 2014 елның  3 декабре - тарихи дата итеп «Билгесез солдат көне» - яу кырларында башларын салып, билгесез калган сугышчыларны искә алу көне итеп билгеләнде. Сабирзянова Язилә Мостай Кәримнең “Билгесез солдат”, Гобәйдуллин Искәндәр Сибгать Хәкимнең “Йолдыз” исемле шигырьләрен укыдылар.  Китап күргәзмәсенә күзәтү ясалды.Әңгәмә  авылыбыз уртасына быел гына яңа куелган һәйкәл янында  дәвам итте.