“Күктә ни булмас”- дип исемләнгән брейн-ринг үткәрдек.

«Күктә ни булмас дисең, очсыз-кырыйсыз күк бит ул!” – дип язган бөек шагыйребез Габдулла Тукай.
Күк һәм галәм, Кояш һәм йолдызлар элекке кешеләрне меңнәрчә еллар дәвамында кызыктыра килгән.
Моннан 63 ел элек 12 апрельдә космонавт Юрий Гагарин космоска юл ача. Планетаның беренче космонавты легендар “Восток-1” космик корабле Бойконурда иртәнге сәгать 9 тулып 7 минутта кузгалып китә һәм 108 минут дәвамында тарихи очыш ясый.

Шул уңайдан китапханәдә 3 нче сыйныф укучылары сыйныф җитәкчеләре Диләрә Сахаутдин кызы,мәдәният хезмәткәрләре катнашында “Күктә ни булмас”- дип исемләнгән брейн-ринг үткәрдек.

Кичә барышында балаларны Ю.А.Гагаринның тормыш юлы, йолдызлар һәм планеталар, космик станция, скафандрлар һәм авырлыклар шартларында космонавтларның ничек туклануы турында бик күп кызыклы нәрсәләр сөйләдек.Кызыклы уеннар, күк кроссвордалары, конкурслар, космик табышмаклар балаларга йолдызлы дөньяга чумарга ярдәм итте.