Без дә бүген язны - Нәүрүзбикәне каршы алу бәйрәмен уздырдык. Бәйрәмдә халкыбызның борыңгы такмакларын, җырлы-биюле уеннарын уйнап,авыл халкын ял иттердек.Тәмле итеп карга боткасы,коймак пешердек.Инде татар халкында онытылып барган самовар кайнаттык.

   Без дә бүген язны - Нәүрүзбикәне каршы алу бәйрәмен уздырдык. Бәйрәмдә халкыбызның борыңгы такмакларын, җырлы-биюле уеннарын уйнап,авыл халкын ял иттердек.Тәмле итеп карга боткасы,коймак пешердек.Инде татар халкында онытылып барган самовар кайнаттык.

Нәүрүз... Бу исем безгә ят та, таныш та. Нәүрүз - борыңгы әби-бабаларыбыз үткәргән язны каршылау бәйрәме ул.

Татар халкы Яңа елны март аеның 21- ендә - көн белән төн тигезләшкән вакытта каршы алган. Бу көн Иран календаре нигезендә "Нәүрүз" дип аталган. Иранда hәм аңа курше илләрдә яңа елны хәзер дә март аенда каршы алу гадәте яшәп килә.

"Нәүрүз" сүзе фарсы-тажик телендә "Яңа көн" дигән мәгънәне аңлата. Борынгы бәйрәмне атна буе дәвам иткәннәр, hәр көннең үз гадәте, үз тәртибе, язылмаган кануннары булган: Бу көнне яшьлэр шәкертләр, балалар, өйдән өйгә кереп, бәет, шигырь әйткәннәр, йорт хуҗасына исәнлек-саулык, иминлек-байлык, бәхет, уңышлар теләп йөргәннәр.

Бу шәкертләрнең күңел ачу чарасы гына булып калмаган. Шулай йөреп, алар авылдашларының күңелен күтәргәннәр, асылда салкын кышлар бетеп килүгә бергәләшеп шатланганнар, язны каршылаганнар.