Халыкара музейлар көне

     Музейлар халыкның матди тарихын, мәдәниятен, холкын һәм рухын чагылдыралар һәм саклап торалар. Алар безгә, вакытны артка чигереп, үткәнебез белән турыдан-туры танышу, бүгенгебезне аңлау һәм киләчәгебез турында уйлану мөмкинлеге бирәләр. 18 май- Халыкара музейлар көне уңаеннан мәдәният йортында эшләп килүче “Туган як” почмагына башлангыч сыйныфлар чакырылды. Китапханәче Саттарова Фәридә балаларны экспонатлар белән таныштырды. Әби-бабаларыбызның көнкүрештә кулланган әсбаплары турында сөйләде.