Кышкы уеннар

Яңа ел, кышкы каникуллар – һәр бала өчен зур  бәйрәм.  Балаларның бу ялларын кызыклы һәм мавыктыргыч итеп  үткәрү максатыннан 5 январь көнне мәдәният йорты хезмәткәрләре белән берлектә “Кышкы уеннар” дип исемләнгән саф һавада күңелле  уеннар оештырылды. Балалар 2 командалга бүленеп, спорт эстафеталарында, хәрәкәтле уеннарда һәм конкурсларда катнаштылар. Спорт чарасы балаларны берләштерде, беркемне дә битараф калдырмады. Анда катнашып, балалар үзләрен көч, җитезлектә сынадылар.