Кеше икән ул белергә тиеш кая таба үзенең барганын

Авылдашыбыз, язучы, прозаик Рашат абый Низамиевның 75 еллык юбилее уңаеннан авылыбыз мәдәният йорты сәхнәсендә бик зурлап искә алу кичәсе үткәрелде. Бу кичәдә мәктәп укучылары, китапханә каршында эшләп килүче "Ак калфак" хатын-кызлар берләшмәсенең "Ядкәр" ансамбле, авыл үзешчәннәре катнашып авылдашыбызның шигырьләре сөйләнелде, җырлары башкарылды, истәлекләре яңартылды. Бәйрәмгә килгән кунаклар арасында язучының улы һәм кызы гаиләсе белән катнашу бәйрәмгә тагын да нур өстәде.