Китапханә тирәсе шау чәчәктә

Олы Тормы китапханәсенә керүчеләрне ел саен җәй буе шау чәчәккә күмелгән чәчәклек каршы ала. Бу – мәдәният хезмәткәрләренең тырыш хезмәт нәтиҗәсе. Шушы матурлыкны тудыру өчен эшне көздән үк башларга кирәк. Без өлгергән чәчәк орлыкларын көздән үк аерып җыеп киптерәбез.

Чәчәк төренә карап иртә яздан ук утыртабыз. Аларны җәй буе тәрбияләп, күзәтеп, күңел җылысын биреп үстерәбез.Күз явын алырдай чәчәклекне күреп китап укучылар матурлыкка сокланалар.