"Фәнни могҗизалар атналыгы"

  Кыш — малайларның һәм кызларның иң яраткан чоры.Елның бу вакытында дуслар белән уеннарга һәм әлбәттә, рәсем ясауга багышларга мөмкин булган  каникул вакыты. Ә инде рәсем ясарга барлык балалар да ярата. Өстәвенә, ачышлар иң кыю фантазияләрдән башлана. Шуңа күрә 8 январь көнне Апаз авыл китапханәсе "Фәнни могҗизалар атналыгы" дигән темага рәсем конкурсы оештырды һәм анда Апаз мәктәбенең 3-6 класс укучыларын катнашырга чакырды.Чараның максаты - балаларның сәнгать иҗатын стимуллаштыру, тырышлыклары белән горурлану хисе тәрбияләү, аларның гомуми белемнәрен киңәйтү.Һәр бала үзенең шедеврын ясарга мөмкинлек алды, моның өчен кәгазь, карандашлар һәм иҗади якын килү генә кирәк.