"Әти белән бергәләп" акциясе

“Робот-лампа - Рорерт”

 Фән һәм технологик үсеш

Елы игълан ителгәч,

Тәрбияче апабыз

Бирде бит шундый киңәш:

-         Ягез әле, балалар,

Без дә тырышып карыйк.

Төрледән-төрле, кызыклы

Кул эшләрен без ясыйк.

 

Кайттым, әйттем әниемә:

-         Әни, мин робот ясыйм.

Ниләр кирәк буласын

Хәзер үк барлый башлыйм.

 

Минем карарны ишеткәч,

Аптырап куйды әни:

-         Шул гына җитмәгән иде,

Уйлап таптың тагын ни?!

 

Әйе, әнием, дөрес әйтә!

Ни генә эшләнмәде:

Җимлек, сыерчык оясы,

Чигүле мендәрләре.

 Төрле әкият герое –

 Калмады шул берсе дә.

Инде хәзер робот ясыйм

Күрерсез әле менә.

 

Әти белән сөйләштек тә,

Тотындык аннан эшкә.

Кызып-кызып эшкә чумгач,

Йоклап киткәнмен менә.

Иртән күзләремне ачсам,

Робертым инде әзер.

Бер эштән дә курыкмыйбыз

Әтием белән хәзер.