Сау бул, бакчам!

 Явлаштау авыл китапханәсе хезмәткәрләре "Сау бул, балалар бакчасы!» дигән чарада катнаштылар. «Ромашка» балалар бакчасында тәрбияләнүчеләр үзләренең яраткан бакчалары белән саубуллаштылар. Балалар, тәрбиячеләр һәм ата-аналар, балалар бакчасындагы соңгы бәйрәмгә һәркемгә аеруча җылылык һәм дулкынлану белән әзерләнделәр. Шулай ук бәйрәмгә әкият геройлары: Кар патшабикәсе, Шапокляк һәм Хоттабыч та килде. Алар балалар өчен күңелле уеннар һәм конкурслар оештырдылар. Чыгарылыш балалары өчен онытылмаслык күңелле бәйрәм булды.