Сабантуйга бирнә җыю

Июнь башы – Сабантуйлар чоры. 25 май көнне  Мишәбаш авылы урамнары буйлап, Сабантуй бәйрәменә

 бүләк җыю оештырылды. Гармунчы Исмәгыйль  Газизовка кушылып матур җырлар яңгырады. Егет- кызлар биргән бүләкләрне рәхмәт  әйтеп алып, авыл халкын бәйрәм белән котлап, булачак бәйрәмгә чакырды. Ә инде  кечкенә балаларга иң күңеллесе чәчелгән конфетларны җыю булды. Авылдашларыбыз арасында тәмле коймаклар пешереп, татлы өстәлләр әзерләп, бәйрәмгә ямь өстәүчеләр дә шактый булды. Бирнә җыючыларны  яше-карты: "Илләребез тыныч булсын!" - дигән изге теләкләр белән озатып калды.