"Матур булу серләре турында" очрашу

   Һәркемнең дә матур , җыйнак буласы килә. Бу сыйфатларга ия булу өчен күп кенә тырышлык кирәк. Шуның кагыйдәләренә төшендерү, аңлату максатыннан бүген 31 октябрь көнне китапханәдә балалар белән очрашуга авылыбызның шәфкать туташы Валиева Ризидә килде. Ул балаларга үз- үзеңне чиста, тәртипле итеп йөртү кагыйдәләре, гигиена таләпләре, физкультура белән шөгельләнүнең дә зарури булуы хакында сөйләде. Балаларның күпкырлы сорауларына җаваплар бирде. Соңыннан балалар хәрәкәтле уеннар уйнап физик чыныгу алдылар.