"Бер җылы сүз" шәфкатьлелек акциясе

Инвалидлар декадасы тәмамланып килә. Уздырган чараларга килә алмучы Минкабиров Мәүлит абый безне ел саен өендә көтеп ала. 9 декабрь көнне Явлаштау авыл мәдәният хезмәткәрләре аның өендә булып хәлен белеп кайттык. Ул яшь вакытта китапханәнең иң күп китап укучысы иде. Хәзерге вакытта вакытлы матбугат белән даими танышып тора, компютерда эшли,телефоннан авылдашларының, яшьлек дусларының хәләрен белеп тора. Шигырьләр тыңларга ярата. Безгә Ф. Кәримнең “Пионерка Гөлчәчәккә хат” поэмасыннан өзек сөйләп күрсәтте. Яшьлек елларын искә алып хатирәләр яңартылды.